ДУИ ги објави сите свои кандидати за градоначалници

by fokus 19:06
19:06

Централното претседателство на ДУИ попладнево ги  утврди кандидатите за градоначалници со кои партијата ќе настапи на претстојните локални избори.

-Изборите на 15 октомври се многу значајни бидејќи граѓаните на нив непосредно избираат своите претставници кои треба потоа да најдат решенија за нивните секојдневни потреби. Имајќи го предвид фактот дека ДУИ ужива најголема поддршка кај граѓаните, а нашите кандидати имаат најголема шанса да бидат избрани ние направивме широки консултации за да избереме кандидати со личен и професионален кредибилитет и јасна визија за иднината на општините, рече портпаролот на Централниот изборен штаб на ДУИ, Арбр Адеми.

- Advertising -

За Липково кандидат ќе биде магистерот по правни науки Ерхан Арифи, во Арачиново историчарот Исуф Бислими, за Чаир унивезитетскиот професор Висар Ганиу, за Шуто Оризари кандидат ќе биде правникот Џелал Чајани, за Стденичани кандидат за гардоначалник од ДУИ ќе биде хемичарот Феми Јонузи, за Сарај ќе биде правникот и член на Централното претседателство на ДУИ Блерим Беџети, во Желино повторно ќе се кандидира сегашниот градоначалник Фатмир Изаири, во Теарце исто така актиуелниот градоначалник Исен Асани, исто и за Тетово од ДУИ кандидатка ќе биде актуелната градоначалничка Теута Арифи, во Боговиње кандидат ќе биде историчарот Берзат Бејтулаху, во Врапчиште економистот Гајур Рушити, за Гостивар повторно кандидат ќе биде актуелниот градоначалник Невзат Бејта и за Дебар актуелниот градоначалник Ружди Лата ќе биде кандидат и на овие избори, како и во Кичево каде тоа ќе биде Фатмир Дехари, Исамил Јаовски ќе биде кандидат за Пласница, за Долнени ќе биде правникот Џемил Ќамили, во Струга тоа ќе биде економистот Рамиз Мерко.

Поврзани новости