ДС: Илинден да не се сведе на празни политички говори

by fokus 12:18
12:18

Демократскиот сојуз на сите граѓани на Република Македонија, без разлика на нивната етничка или верска припадност, денеска им го честиташе најголемиот двоен празник на македонската државност – Втори август.

-Денес е денот кога треба да помислиме на идеалите на Илинденците и на Асномците и да докажеме и покажеме дека сме достојни на нивниот завет. Денес е денот кога треба да размислиме каде сме и дали сме го одбрале вистинскиот пат во градењето независна македонска држава. Денес е денот кога треба да се потсетиме дека темелите на Република Македонија ги поставуваа херои и хероини, храбри мажи и жени со чест и гордост. Токму затоа Илинден не смее да се сведе само на ден за неработење и држење празни политички говори, туку мора да биде лекција за вистинското значење на она што нашите јуначки предци ни го оставиле во аманет. А тоа е дека Македонија е сѐ што имаме и дека битката за правда и слобода никогаш не престанува, порачаа од Демократскиот сојуз.

Поврзани новости