Државниот секретар на Сугаревски бил осуден за злоупотреба на службената положба

by fokus 14:54
14:54

Антикорупциска комисија денеска расправаше за државнот секретар на Министерството за транспорт и врски, бидејќи бил избран на оваа позиција иако претходно бил осуден за злоупотреба на службената положба. Според Комисијата, Зоран Маневски бил осуден на условна казна затвор од 3 години.

На денешната седница антикорупционерите едногласно одлучија да му укажат на министерот, Горан Сугаревски, на овој факт и да побараат повеќе да внимава при изборот на лица на високи позиции.

- Advertisements -

Пријавата до Антикорупциска стинала од анонимен извор, кој барал запирање на постапката за избор на државен секретар. Антикорупционерите го испитале случајот и утврдиле дека пред да биде избран државниот секретар доставил уверение дека не постои забрана против него за вршење на службена положба, а доставил и решение дека бил избршан од казнената евиденција. Како што рекоа од Антикорупција бришењето е направено согласно законот бидејќи осудениот на условна се брише од евиденција по една година.

-Поради ова констатиравме дека нема законски нерегуларности. Сепак ќе му укажеме на министерот, Горан Сугаревски, иако треба сите да имаат право на еднаков пристап. Сепак според членот 8 од Законот за спречување на корупција се дефинира поимот „ризик од корупција“, односно секаков вид слабост која претставува можност за корупција, како што е измама или несоодветно користење на овластувањата. Бидејќи во случајов имаме пресуда за злоупотреба на службената положба, корисно е министерот да се потсети и треба да го има ова предвид. Сакаме да потсетиме дека службено лице треба да му служи на јавниот интерес – рече претседателката Билјана Ивановска и додаде дека Комисијата нема надлежност за понатамошно постапување во случајот.

Поврзани новости