Она што ние го евидентираме се околу триесетина илјади кубни метри пресечени дрвна маса годишно како дива сеча, кои биле откриени од нашата шумо-чуварска служба, Министерството за внатрешни работи и Шумската полиција, а дел остануваат неоткриени, истакна директорот на ЈП „Национални шуми“ Валентин Груевски.
-Во постојан контакт сме со МВР и со Шумската полиција и ова е секојдневна и континуирана борба против дрвокрадците. Мислам дека не може брзо и лесно да се искорени тоа. Меѓутоа она што охрабрува се подоследните акции на МВР. Најголемата борба тука може да ја направи Министерството за внатрешни работи. Последните акции кои се направени во последните месец дена даваат надеж дека тој проблем може да се искорени – рече Груевски на денешната прес-конференција за отпочнување на годинешната акцијата за пошумување.
Тој уверува дека ќе има доволно дрва за огрев.
-Преку приватните коминтети кои работат со нас, мислам дека е при крај испораката на дрвото што е платено за оваа година. Нема да имаме проблем со испораката на дрва. Исто така, немавме проблем и за ланската година. Завршено беше се навреме – рече Груевски.