Донесен буџет од 3,2 милијарди евра, опозицијата гласаше против

by Фокус

Вчера пред полноќ беше донесен буџетот на Македонија за 2016 година со 3,2 милијарди евра. Буџетот беше прифатен со 66 гласови „за“, 28 гласови „против“ и без воздржани.

Според ВМРО-ДПМНЕ ова е историски највисокиот државен буџет со 400 милиони евра за капитални инвестиции и средства насочени кон потребите на сите граѓани како спортски сали, градинки, амбуланти, реконструкција патиштата и железниците.

Опозицијата гласаше против буџетот, зашто сметаат дека буџет од 3,2 милијарди евра и е неприфатлив бидејќи е нереален, неостварлив, неразвоен и нетранспарентен. Кога државата има јавен долг од 4 милијарди евра, новиот буџет ќе значи нови долгови и сиромашни граѓани, смета СДСМ.

По скратена постапка беше донесен и Законот за извршување на буџетот за 2016 година.

Поврзани новости