Димитров: Ќе биде чудо доколку го решиме спорот за името со Грција, но чуда се случуваат

Ќе биде чудо доколку успееме да го решиме спорот за името со Грција, но чудата се можни. А денес на сите ни се потребни чуда, рече шефот на македонската дипломатија Никола Димитров на панел дискусијата на самитот ЕУ-Западен Балкан, во Софија.

„Во последниве години гледавме во погрешни векови, но денес сме тука во 2018 година. Македонија загуби генерации чекајќи да мрдне на патот. Го гледаме возот на ЕУ како минува и сакаме да го фатиме. Ќе биде трагедија доколку на Македонија не ѝ се дозволи да ги започне преговорите за пристапување кон ЕУ“, рече Димитров.