Десет „меки“ предлог-мерки за излез од политичката криза

by Фокус 20:44
20:44

1. Оставка на јавниот обвинител

2. Враќање на СДСМ во Собранието

- Advertisements -

3. Меѓупартиски договор на парламентарните партии за широка, радикална реконструкција на Владата на чело со актуелниот или со премиер предложен од најбројната партија во парламентот –  ВМРО–ДПМНЕ. Паритетна распределба на клучните министерски ресори со избор на експерти на чело на министерствата за финансии, полиција, транспорт и врски

4. Донесување закон за амнестија на обвинетите во аферата „Пуч“ и на осомничените за изборен криминал и други прекршувања на изборните закони и други полесни кривични дела – според индиции од прислушуваните разговори.

Во амнестијата не се опфаќаат основаните сомненија за сторени кривични дела тероризам, крвни деликти –  убиства, силување, трговија со оружје, дрога, крупни финансиски деликти, односно коруптивни зделки или злоупотреба на службената положба за незаконито стекнување имот или противправна имотна корист или прикривање на овие и на други тешки кривични дела согласно индициите од прислушуваните разговори.

5. Пакет мерки за враќање на довербата во независното судство:

– Избор на независен јавен обвинител со согласност на сите парламентарни партии кој ќе ги гони кривичните дела за кои нема амнестија

– Избор на нов, независен судски и обвинителски совет кои ќе предложат основни и окружни обвинители и нови претседатели на судовите

6. Пакет мерки за слобода на печатот:

– нов закон за јавниот сервис – деполитизација на уредувачката политика на МРТ преку избор на независен генерален директор и мерки за финансиска консолидација на јавниот сервис

– усвојување мерки и критериуми за распределба на јавните пари во електронските и печатените медиуми за владини кампањи од јавен интерес

– укинување на Законот за медиуми

7. Ребаланс на буџетот и кратење на јавните трошоци за проектот „Скопје 2014“ и на други непотребни државни луксузирања

8. Организирање попис на населението во рок од шест месеци

9. Изготвување нов избирачки список според спроведениот попис и обезбедување увид на ДИК во процесот на издавање биометриски документи – лични карти и пасоши заради изработка на избирачкиот список и негово навремено затворање

10. Организирање фер и демократски избори во рок од една година

Поврзани новости