„Да се интензивираат реформите во судскиот систем, кој и натаму ги кочи промените, владеењето на правото, како и важење на законите подеднакво за сите граѓани“, се вели во соопштението од ДС.
Во соопштението стои дека ДС предлагаат предлага три крупни промени:
– Укинување на Советот за утврдување на факти, кој е надвор од уставниот поредок и без никаква логика и оправданост да постои.
– Укинување на Комисијата за воедначување на казнената политика. Ваква комисија никаде во светот не постои и директно е спротивна на начелото на слободно и самостојно одлучување од страна на судиите.
– Укинување на Комисијата за лустрација (Комисија за верификација на фактите) чие постоење е анахроно на промените, особено што Законот за лустрација е укинат.
ДС предлага рехабилитација на сите лустрирани со кои се пресметуваше водството на ВМРО-ДПМНЕ.
„Сите овие комисии се формирани со посебни закони и нивното укинување е можно да се реализира за не повеќе од десетина дена“, велат од партијата.