Бошкоски: Груевски и Мијалков газеа врз моето достоинство, не Заев

Љубе Бошкоски попладнево застана во одбрана на Зоран Заев откако беше објавена аудио снимка во која тој со нессодветен речник зборува за коалиционите партнери.

-ДПМНЕ на чело со Груевски и Мијалков се тие што му ја расплакаа мајката на народот, а не Заев. Груевски и Мијалков газеа врз моето достоинство, не Заев. Јас сум во коалиција со Заев и три години влакно не ми фали. Заев е човек со историска демократска големина во себе, затоа што иако на политичката оска сме различни, тој докажа дека правдата и македонскиот патриотизам се над политичката идеологија. Време за довршување на демократизацијата на земјата, за да може да имаме чиста, европска борба на идеи и идеологии, вели Бошкоски.