Богов ја пофали претходната влада на ВМРО за странските инвестиции во слободните зони

Евентуалниот влез на земјата во јули во НАТО ќе има позитивно влијание на домашната економија, смета гувернерот на Народната банка Димитар Богов.

-Со влезот би се надминала политичката нестабилност која е константа во Македонија и би се создале постабилни услови за економијата – вели Богов.

Според него, од почетокот на годината до сега стапката на извоз е многу висока, а тоа, вели тој, главно е резултат на производствените капацитети во слободните економски зони.

-Значи, оние многу критикувани капацитети го водат извозот и со тоа веројатно ќе имаат значаен придонес врз економскиот раст годинава – изјави Богов.

Големината на инвестициите годинава, истакнува тој, ќе зависи пред се од тоа дали е вратена довербата во реалниот сектор.