Бејли: И во САД има луѓе што ја попречуваат правдата, но судиите треба да ја стекнат довербата на граѓаните

Американскиот амбасадор Џес Бејли денеска на Денот на правосудството истакна дека владата на САД верува оти независното судство претставува камен-темелник на современата демократија.

-Граѓаните имаат огромни очекувања, сакаат силно судство кое ќе обезбеди фер и праведно судење и ќе побара одговорност од виновниците. Да ги поддржиме судиите кои ќе се спротивстават на притисоците однадвор и ќе постапуваат кон сите еднакво според законот и нема да подлежат на притисоци од политиката. Ќе има пречки на овој пат, дури и во САД има луѓе што вршат опструкција на правдата, но судиите се тие кои ќе покажат компетенција и ќе ја стекнат довербата кај граѓаните – рече Бејли.