Богданов: Се дискутира дали да им порачаме на граѓаните сами да одлучат дали да излезат или да ги повикаме да гласаат против

Членот на Извршниот комитет на ВМРО-ДПМНЕ, Костадин Богданов во денешното гостување на 1ТВ рече дека во моментов во неговата партија дебатата за ставот за референдумот се одвива во две насоки.

-Едната опција е да им порачаме на граѓаните сами да одлучат дали да излезат на референдумот и како да гласаат и втората опција која се дискутира е да се повикаат граѓаните да гласаат против, вели Богданов.

Тој смета дека повикување на бојкот ќе биде грешка на ВМРО-ДПМНЕ, а според него тивок бојкот е уште полош отколку јавно повикување на бојкот.