Австралија планира многу наскоро да признае палестинска држава, откако Франција, Велика Британија и Канада веќе ја објавија својата намера да го сторат тоа.
Премиерот Ентони Албанез би можел да го потпише признавањето во рок од неколку дена од денешниот редовен состанок на кабинетот, објави „Сиднеј морнинг хералд“, повикувајќи се на неименувани извори.
Канцеларијата на премиерот Албанез не одговори на барањето за коментар.
Франција и Канада минатиот месец соопштија дека планираат да признаат палестинска држава, додека Велика Британија изјави дека ќе го стори истото доколку Израел не ја реши хуманитарната криза на палестинските територии и не постигне прекин на огнот.
Израел ги осуди одлуките на земјите да поддржат палестинска држава, велејќи дека овој потег ќе го награди Хамас кој владее со Газа.