Арсовска се закани: Јавно ќе ги објавуваме загадувачите!

Градоначалничката на Скопје, Данела Арсовска во вечерашното гостување на телевизија Телма откри дека фирмата казнета со 82.000 евра за загадување во Вардариште се уште не ја платила казната и бара механизми за истото да не го стори.

-Тоа што некој се обидува да не ги плати казните е негово право, но и наше право е да ги упоребиме сите механизми. Треба системски да се решава проблемот, за повеќе да немаме вакви загадувачи. Но, и ќе почнеме јавно да ги објавуваме. И начините како го прават и фотографии. Не може некој да си игра со здравјето на граѓаните, а потоа и да ги изигрува законите, рече Арсовска.