Рамковски: Згрешив што помогнав Груевски да дојде на власт во 2006 година

by Фокус 12:37
12:37

Главната моја грешка беше што премногу влегов во политиката, вели во интервју за Слободен печат сопственикот на згаснатата А1 телевизија Велија Рамковски, кој деновиве излезе од затвор.

– Јас сум бизнисмен. Политиката бара професионални политичари. Јас, како бизнисмен, налагав правила и принципи што важат во бизнисот. Математика. А политиката подразбира компромиси, разбирање, ретко математика. И мислам дека тука ми беше грешката што никогаш повеќе не би ја повторил. Политиката е за политичарите – вели Рамковски.

- Advertising -

Тој додава дека друга грешка што ја направил е што влијаел Никола Груевски да дојде на власт во 2006 година и побара новата влада на Зоран Заев да добие време да ја внесе Македонија во Еу и НАТО.

-Владата на СДСМ на чело со Бучковски беше на прагот да ја внесе Македонија во ЕУ и во НАТО. Не велам дека со моето мешање во политиката ги решив изборите, но имав голем удел во тоа Груевски да дојде на власт, потоа единаесет години да ја оддалечува Македонија од ЕУ и од НАТО, да направи сè што направи. И којзнае, можеби јас си ја отплатив таа своја грешка со годините поминати во затвор. Можеби и тоа е некаква правда – вели Рамковски.

Поврзани новости