Антонио Димов, кадар на ЛДП, е нов директор на затворот Идризово

Владата го назначи Антонио Димов од ЛДП за нов директор на казнено поправната установа Идризово, потврдуваат од таму.

Промената на раководните функции во затворот доаѓа откако досегашниот директор, кадар на Алијанса за Албанците, си поднесе оставка затоа што оваа партија излезе од владината коалиција.

Димов има завршено економски факултет и ја извршувал функцијата генерален секретар на ЛДП.