Актерката Ристиќ експресно сменета, Сашо Миленковски нов претседател на Синдикатот на Драмски

by Фокус 14:39
14:39

Актерката Ирена Ристиќ денеска експресно беше сменета од претседателка на синдикатот во Драмскиот театар, откако само пред една недела беше избрана на оваа позиција. Наместо неа, за прв синдикалец е избран режисерот Сашо Миленковски.

Претходно, Ристиќ беше избрана за синдикален претставник на состанок на кој беше предложена од шестмина вработени, а на кој ја изгласаа вкупно 27. Овој пат на состанокот присуствувале 32-ца вработени.

- Advertisements -

Во меѓувреме до неа стигнало писмо од СОНК каде и било речено дека е неподобна за да го претставува синдикатот. Освен писмото, против неа до СОНК биле поднесени неколку приговори.

– Сашо Миленковски е новиот претседател на СОНК во Драмски. Секако, не беше едногласно избран. Али, ете, честитки. Да живеам јас, иако прогонета дури и како член. Да живее Македонија, како – така – напиша актерката на својот фејсбук профил неколку часа по нејзината смена.
‪‬
Ристиќ  пред една недела, на 2 јуни, едногласно беше избрана, но, веќе два дена подоцна, на својот Фејсбук профил, се пожали на обиди за оспорување на изборот.

„Самостоен синдикат за образование, наука и култура на РМ!!! Така се вика! Значи, САМОСТОЕН!!! Тоа му е функција, определба и цел! Борба за правата на работниците! САМОСТОЕН!!! СОНК не е ВМРО, па да си играме послушност! Бедни, мизерни и очајни сте и вие и вашите обиди за оспорување на мојот избор за претседател! А ако ви успее, само ќе ги потврдите горенаведените епитети кои несвесно и со гордост ги носите!! Јас немам што да изгубам и не се предавам, да си знаете!!! Уште немам депонирано потпис, а веќе цвикате!!! Лет д гејмс бигин – напиша Ристиќ на 4 јуни на својот фејсбук профил.

Таа во последниот период е активна во борбата против рушење на оваа власт, кампува во Кампот на Слободата веќе трета недела, а заедно со нејзиниот колега Владимир Лазовски го водеше опозицискиот протест на 17-ти мај.

 

Поврзани новости