Министерот задолжен за дијаспората во Владата на РС Македонија, Едмонд Адеми во Тирана денеска имаше средба со претставниците на македонските здруженија во Албанија . На средбата што се одржа во просториите на нашата амбасада во Тирана , Адеми нагласи дека Владата на РС Македонија и тој лично ќе даваат силна поддршка на македонските здруженија во Албанија со цел надминување на проблемите и прашањата со кои се соочуваат .
Исто така Адеми најави и реализација на заеднички активности и проекти . Од страна на преставниците на македонските здруженија во Албанија , беа посочени главните проблеми со кои тие се соочуваат, а беше побарана и поголема подршка од македонската влада за реализација на активностиоте на граѓанските здруженија.
Претставниците на здруженијата на Македонците посебно ги истакнаа проблемите во сферата на образованието, информирањето и учеството во локалната и централната власт во Албанија, како и нивната положба со Законот за малцинства во Албанија.