Зеленски: Безбедноста на Украина зависи од САД и Европа

ДЕНОТ ВО БЕЛАТА КУЌА го одбележа клучниот состанок помеѓу американскиот претседател Доналд Трамп, украинскиот претседател Володимир Зеленски, лидерите на ЕУ и генералниот секретар на НАТО.

Станува збор за прв состанок во ваков формат, а фокусот е ставен на обидите за завршување на војната во Украина и постигнување договор за безбедносни гаранции за таа земја.

Трамп најави дека Владимир Путин е подготвен да прифати безбедносни гаранции за Украина, но ја отвори и темата за можни „размени на територии“ – прашање кое Киев целосно го отфрла. Зеленски неколкупати се заблагодари на Трамп и на САД, и порача дека безбедноста на Украина зависи од американската поддршка и ангажманот на европските партнери.