Одлуката да се изрече притвор за три лица кои се предмет на политички прогон од страна на СЈО е срамна и без никаков издржан правен аргумент, е реакцијата на ВМРО-ДПМНЕ за денешните притвори за тројца фукнционери од УБК.
-Медиумите под контрола на СДС ја најавија уште пред да биде официјално соопштена. Тоа доволно говори околу начинот на кој што работел судот. Со ваквите одлуки се става крај на правната држава и започнува нарачаниот политички прогон. Одлука има само една цел. Таа цел е да се испрати пораки „или сите ќе клекнете на колена и нема да се борите за државните и национални интереси или ќе завршите во притвор“, „или ќе учествувате и ќе ги поддржите конструираните и политички монтирани обвиненија на СЈО или ќе завршите во притвор, рече Драган Данев од ВМРО-ДПМНЕ.