Владејачката партија на средбата со германскиот посредник Јоханес Хајнл, порача дека изборите се единственото решение за надминување на кризата, но дека нема да прифатат уште едно одложување.
-Изборите се прифатливо, посакувано и единствено решение за надминување на политичката криза, но базирајќи се на претходните искуства и однесување на СДСМ, тоа треба да биде без неосновано лицитирање на нови термини кои подоцна ќе бидат одлагани, стои во соопштението.
ВМРО-ДПМНЕ бара пред да се одреди датумот на избори, СДСМ да даде потврда и да се обврзе дека Избирачкиот список е прочистен, бидејќи како што велат, за нив ова не е спорен сегмент.
Во однос на сферата на медиуми, од ВМРО-ДПМНЕ истакнале дека се залагаат да не се казнува, ниту новинар, ниту медиум за искажан став, како и за релаксирање на казнената политика и одредбите за медиумите.