Судиите ќе ги пробијат роковите за притворите

Иако веќе изминува рокот од 24 часа во кој судиите требаше да одлучат дали ќе одредат притвор за поранешните функционери од власта, против кои СЈО вчера поднесе обвиненија, судиите од Кривичниот суд засега не донеле ниту една одлука по барањата за притвор.

Од Основниот суд Скопје 1 велат дека е можно рокот од 24 часа да биде пробиен, бидејќи се работи за голем број на предмети.

Вчера од СЈО до судот доставија 13 предмети, а во текот на денешниот ден ќе достават уште четири.

СЈО притвор бара за Никола Груевски, Сашо Мијалков, Миле Јанакиески, Гордана Јанкулоска, Гордана Канческа- Милевска, Кирил Божиновски, Тони Трајковски и уште неколку поранешни владини функционери, како и за новинарот Драган Павловиќ-Латас.