Специјалната обвинителка првите обвиненија ќе ги поднесе пред изборите

Од 15 декември до 15 март специјалната обвинителка Катица Јанева и нејзиниот тим планираат да ги покажат првичните резултати од нивната работа пред јавноста, односно во овој период да ги поднесат и првите обвиненија.

Според финансискиот план на специјаланат обвинителка, кој денеска го објавија неколку медиуми, Јанева побарала буџет од околу еден милион евра и 124 вработени.

-Предвидените средства се проектирани како неопходни за Јавниот обвинител да ја изврши оваа, во моментот најодговорна функција во Република Македонија, пишува во финансискиот извештај на обвинителката Јанева.