Нема жртви македонски државјани во нападите во Париз

Нема македонски државјани меѓу жртвите на вчерашните терористички напади во Париз, изјавија за НОВА од Македонската амбасада во Франција.

Според Габриел Атанасов, министер советник во Амбасадата, има една група млади кои вчеравечер биле во центарот на Париз за време на нападите. Засега Амбасадата не остварила директен контак со нив, но добиле посредни информации дека се неповредени и се добро.