Звезда вторпат подобра од Партизан, „мајсторката“ ќе одлучува за титулата во АБА лигата

Кошаркарите на Црвена звезда го победија Партизан во четвртиот натпревар од финалето на АБА лигата со резултат 68:56 и со тоа го оставија отворено прашањето на шампионот во регионалното натпреварување.

Најефикасни кај победниците беа Факундо Кампацо со 21 поен, Огњен Добриќ со 14 и Филип Петрушев со 10, а кај црно-белите Данте Ексум со 12 и Алекса Аврамовиќ и Кевин Пантер со по 10 поени.

Двете екипи победија во финалната серија која се игра до три триумфа кога беа домаќини, а во петтиот натпревар домаќин ќе биде Партизан, а таа средба ќе биде во четврток од 20 часот по средноевропско време.