582
Зоолошка градина Скопје денеска донираше три телевизори на Домот за деца без родители „11 Октомври“.
Директорката Соња Стамевска заедно со дел од штитениците на домот беа во посета на Зоолошката градина каде што директорот Ѓорѓи Галетановски им ги врачи телевизорите во форма на егзотични животни како донација.
На средбата беше договорена и понатамошна соработка помеѓу Зоолошка градина Скопје и Дом за деца без родители „11 октомври“, како и бесплатни едукативни тури и интерактивни работилници за сите дечиња од домот.
По средбата, децата ја имаа својата прва едукативна прошетка во Зоолошката со ветување дека повторно ќе дојдат на дружба.