Зградата на Вагнер свети во форма на крст

Зградата на Вагнер во Санкт Петербург е осветлена во форма на крст откако авион на Евгениј Пригожин се урна денеска во Тверската област.

Во авионот кој летал на релација Москва – Санкт Петербург имало седум патници и тројца членови на екипажот.

Никој од нив не преживеа.

Руската управа за цивилно воздухопловство потврди дека на летот биле Евгениј Пригожин и командантот на Вагнер, Дмитриј Уткин.

Меѓу загинатите е и Валериј Чекалов, кој беше одговорен за службата за безбедност на Вагнер.

Греј зона, канал на Телеграм поврзан со Вагнер, исто така потврди дека Евгениј Пригожин загинал во авионска несреќа.