Затворени 5 угостителски објекти, за два од нив ќе следи кривична пријава

Над 3000 инспекциски надзори се направени во последните неколку дена, информираше претседателката на Инспекциски совет, Магдалена Филиповска Грашкоска.

Како што истакна таа, затворени се 5 угостителски објекти во Кичево, Охрид, Тетово и Струмица, а за тие од Охрид и Струмица ќе следат кривични пријави. Исто така, таа истакна дека се утврдени 5 прекршоци за непочитување на замрзнати цени а дополнително се запечатени 3 кафемати во Штип.

Најголем дел од правните субјекти, порача таа, ги почитуваат мерките на Владата за спречување на вирусот.