Затворена болницата „Санте плус“ по смртта на родилката од Кичево

Поради констатирани недостатоци, Државниот санитарен и здравствен инспекторат (ДСЗИ) вчера ја затворил приватната здравствена установа Свети Лазар (Моја Болница-Санте Плус), каде почина родилка од Кичево.

Забраната за работа, како што соопштија од ДСЗИ, важи се до отстранување на констатираните недостатоци.

Родилката починала во четвртокот, а во болницата требало да се породи со своето прво дете. Смртта кај неа настапила кога почнала процедурата за царски рез, поради компликации при дишењето. Состојбата на бебето е стабилна и тоа се наоѓа на Клиниката за детски болести.