Заев: Време е за нова нормалност, вирусот ќе биде присутен долго време

Време е за нова нормалност, нашето општество мора да продолжи да функционира, порача Зоран Заев по одлуката за укинување на полицискиот час.

„Мерките се олабавуваат, надлежните институции потврдуваат дека епидемијата е под контрола. Вирусот ќе биде присутен подолго време и мора да научиме да живееме со него. Граѓаните, секој од нас, сега има уште поголема одговорност. Битката не е завршена. Да бидеме внимателни и да се чуваме бидејќи со тоа ги штитиме нашите најблиски и го чуваме јавното здравје. Задолжително да ги почитуваме сите мерки – на тој начин спасуваме животи“, објави Заев на фејсбук.