Заев: Вечерва цела Европа виде дека македонскиот фудбал е европски и светски!

Вечерва цела Македонија слави по неверојатната голема победа на нашата фудбалска репрезентација против Германија (2-1), а воодушевувањето на го крие и политичката фела од земјава.

Премиерот Зоран Заев преку социјалните мрежи го честиташе триумфот, додавајќи дека ваквите успеси се добредојдени во овие тешки времиња на пандемија.

„Вечерва цела Европа виде дека македонскиот фудбал е европски и светски! Честитки за нашите борци кои ни носат нови победи и нови подвизи. Имаме победа над селекцијата на Германија на квалификациите за Светското првенство во Катар 2022.

Во овие тешки времиња, моментите на радост и гордост што македонските репрезентативци ни ги носат се потребни и добредојдени во секој дом“, напиша Заев на социјалните мрежи.