Заев: Треба да научиме нешто од политичката прагматичност на Киро Глигоров

Денеска, во мултимедијалниот центар во Штип, беше отворена спомен соба на Киро Глигоров, првиот претседател на Република Македонија.

На свеченоста присуствуваа бројни гости, а премиерот пред присутните истакна дека Глигоров е една од нај маркантните личности во поновата македонска историја.

„Ние треба да научиме нешто од неговата умереност и политичка прагматичност, да научиме да гледаме подалеку во иднината, да сонуваме уште повеќе и да работиме со уште поголема посветеност и жар. Затоа што само така можеме да очелуваме да ја видиме нашата земја како расте, напредува и чекори, рамо до рамо со земјите од развиениот свет“, посочи премиерот.