Градоначалникот на Ново Село доби уште 30 дена притвор за шверц на цигари

by Fokus

Градоначалникот на Ново Село Боро Стојчев, кој пред недела дена беше фатен при шверц на цигари на македонско-бугарската граница, доби дополнителни 30 дена мерка притвор.

Освен Стојчев, во притвор остануваат неговиот син и други двајца соучесници осомничени за криумчарење. Вака одлучи кривичниот совет при струмичкиот суд, откако основното јавно обвинителство достави обвинение и предлог за продолжување на мерката притвор за четири учесници.

„По предлог на обвинителството, мерката притвор за осомничените за шверц со цигари е продолжена на 30 дена а до крајот на месецов ќе биде закажано и првото судско рочиште на кое ќе бидат сослушани странките“, информираа од струмичкиот суд.

Поврзани новости