Заев од Крушево: Илинденското востание е крик за европска Северна Македонија!

by Fokus 12:43
12:43

Премиерот на Македонија, Зоран Заев на денешното обраќање од пред споменикот Мечкин Камен во Крушево, порача дека сегашните и нови генерации треба да го продолжат патот на илинденците.

„Сите ние сме деца на Илинден. линден е симбол за нашата борба и човечки правдини. Илинден е водилка за сите деца на нашите деца. Првите илинденци се бореа за Крушевската република, вторите за асномската. Првите и вторите илинденци од 1944 се бореа за иднината, а не за минатото. Затоа ние денеска сме сите деца на Илинден.

- Advertisements -

Продолжуваме со политиките на надминување на поделбите. Сите ние, Македонци, Албанци, Турци, Власи, Срби, Роми, Бошњаци, патриотска должност ни е да се помириме и обединиме внатре. Илинденското востание е крик за европска Северна Македонија. Во секој граѓанин на Северна Македонија има по еден партизан и комита. Гордо денес стоиме ние пред македонското знаме, гордо зборуваме за мајчиниот јазик, горди можиме да изјавиме дека го заокруживме процесот на признавање на Северна Македонија. Горди можеме да кажеме дека добивме најдобри оценки од Европската Унија. Со гордост можеме да кажеме дека патриотизмот значи грижа за обезбедување подобар живот. Тогашната иднина е нашата сегашност. Ние, граѓаните, децата на Илинден сме природно упатени да гледаме напред, затоа што сакаме безбедна и стабилна членка. сите ние сме определени за иднината. Затоа ги покачуваме платите, градиме безбедни патишта и услови за подобра животна средина. Немаме право да отстапиме од патот на илинденците“, истакна Заев од Крушево.

Поврзани новости