Заев: Нема место за толеранција на какви било незаконски дејства

Премиерот Зоран Заев денеска ги охрбри институциите да носат одлуки базирани на факти за случајот со уапсениот вработен во Кабинетот на министерот за внатрешни работи, Оливер Спасовски.

-Не ги знам сите детали за случајот со осомничениот вработен во Кабинетот на министерот за внатрешни работи, но ги охрабрувам институциите да спроведат темелна и професионална истрага и да носат одлуки базирани на факти. Нема место за толеранција на какви било незаконски дејства. Институциите мора да бидат целосно посветени во служба на граѓаните и во функција на владеењето на правото, напиша Заев на својата Фејсбук страница.