Заев не ја потпишал одлуката за прекин на флексибилното работно време, вратена е на повторно разгледување

Премиерот Зоран Заев, после извршени консултации, одлучил да не ја потпише одлуката за времено суспендирање на одлуката за флексибилно работно време на државната администрација усвоена на 7-та седница на Владата.

– Прашањето ќе биде повторно разгледано на следната седница на Влада, откако ќе бидат направени дополнителни анализи и проценки за целисходноста за промена на работното време на администрацијата, соопшти владината прес-служба.

Се до носењето на новата одлука, како и до сега, останува флексибилно работно време на сите вработени од органите на државната управа од 7:30 и 8:30 часот, до 15:30 и 16:30 часот, со вкупно времетраење на работниот ден од осум часа.