Премиерот Зоран Заев денеска телефонски му го честитал изборот на новиот бугарски премиер Кирил Петков. Двајцата изразиле подготвеност да се забрза соработката меѓу Македонија и Бугарија и да се формираат повеќе работни групи од различни области.
-Во разговорот изразивме подготвеност да ја забрзаме нашата комуникација и соработка низ повеќе работни групи во областите на економијата, културата, здравството, енергетиката, инфраструктурата и други области од интерес на македонските и на бугарските граѓани.
Се согласивме да продолжиме да работиме на изнаоѓање прифатливо решение за деблокирање на постапката за почеток на преговорите за членство на Северна Македонија во ЕУ и за нов позитивен импулс за зајакнување на билатералните односи меѓу нашите две земји, во име на заедничката европска иднина, соопшти Заев.
