Заев: Ми велат дека јас сум на ред за атентат

Безбедносни аналитичари го предупредиле македонскиот премиер Зоран Заев на ризик од атентат. Ова го изјави Заев во интервју за црногорското радио „Антена М“.

-Сега некои аналитичари околу мене велат дека сега си ти на ред. Ако треба нешто да се случи нека се случи, јас сум прифатил да бидам премиер на мојата земја и на мојата држава и треба лидер, подготвен сум да носам одлуки какви што очекуваат моите граѓани, по цена, што биде нека биде, изјави Заев.

Тој рече дека ја прифатил функцијата премиер за да работи за Македонија, а ако нешто треба да се случи, тогаш тоа ќе се случи.