Заев и министрите утре за првпат ќе одговараат на пратенички прашања

Владата и министрите утре на пленарна седница во Собранието ќе одговараат на прашања поставени од пратеници.

Ваква седница е прва за новиот владин состав и на неа единствена точка на дневен ред се пратенички прашања.

Според деловникот, седница за пратенички прашања се одржува секој последен четврток од месецот, но сега таа е преместена за петок поради денешната заедничка седница на владите на Македонија и на Бугарија во Струмица.