Заев ги поддржа мерките за градење доверба со Грција

by Фокус 20:08
20:08

Покрај средбите со државниот врв, грчкиот шеф на дипломатијата Никос Коѕиас се сретна и со лидерот на опозицијата, Зоран Заев. По средбата, Заев изјави дека ги поддржува мерките за градење доверба помеѓу Македонија и Грција и истакна дека дијалог на теми кои не се поврзани со името, би создал поудобна ситуација и за политичарите, граѓаните, како и за бизнисмените и би помогнал да се унапреди соработката меѓу двете држави.

-Со години наназад упатуваме пораки да се отворат разговори на други полиња освен проблемот за името што би создале многу покомфорна ситуација за политичарите, за граѓаните, како и за бизнисмените и другите општествени чинители за унапредување на соработката меѓу двете земји, а во вакви околности и да се повлечат храбри чекори, и да се изнајде решение на дологодишниот проблем што Грција го има со нашето уставно име, изјави Заев.

- Advertisements -

Што се однесува до спорот за името, тој рече дека позициите на СДСМ се добро познати и тие имаат  волја за побрзо да се дојде до решение.

-Да преземеме храбри чекори кои ќе не заштитат мене, моите деца, вашите деца вашите дена да се чувствуваме и понатаму Македонци, дека нашите баби и дедовци биле Македонци, а секако помеѓу да се најде решение кое ќе ги отвори вратите на НАТО и ќе не доведе до полноправно членство во ЕУ, изјави Заев.

Поврзани новости