Заев денеска ќе ја објави содржината на Договорот со Бугарија

Премиерот Зоран Заев денеска на прес конференција ќе го претстави усогласениот текст на Договорот за пријателство, добрососедство и соработка со Република Бугарија, кој беше усвоен на синоќешната владина седница. На прес конференцијата што ќе се одржи во Владата во 15 часот ќе присуствува и министерот за надворешни работи на Република Македонија, Никола Димитров.

Предвидено е Договорот да биде потпишан на 2 август, за што во Скопје ќе допатува бугарскиот премиер Бојко Борисов.