Денес сме чекор поблиску до членство во Европската унија и достигнување на европските стандари, изјави премиерот Зоран Заев откако Европската комисија во извештајот до Европскиот совет предложи чиста безусловна препорака за почеток на преговорите на Македонија со ЕУ.

-Минатите две години ЕК ја услови препораката со фер и демократски избори и имплементација на препораките на Прибе, односно слобода, демократија и реформи. Тоа значи дека политичката криза е зад нас и дека сме влезени во редовни политички процеси за секоја функционална демократска држава. Најголемата заслуга за ова ја имаат граѓаните на РМ, кои се бореа за демократија, напредок и избраа нова влада што ја задолжија да спроведе реформи – рече Заев.

Тој додаде дека со Грција се фокусирани на надминување на проблемот со уставното име на земјава, кој, според него, треба да се реши и да се затвори ова прашање.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.