-Ова е одлична можност да се докаже владеење на правото. И покрај се, очекувам фер судење, истакна Заев.
Тој додаде дека на наредните рочишта очекува да се појави и тужителот Груевски, бидејќи како што рече, тоа му е етичка обврска.
-Не сум правник за да кажам дали тужителот треба да се појави во судница или не, но сигурно е дека тоа е негова етичка обврска, рече Заев.
Тој ја искоментира и висината на оштетата, од половина милион евра, што од него ја бара премиерот.
-Да му беше важна правдата тој ќе бараше 1 евро, а не толку голема сума. На јавноста и оставам да нагодува зошто од мене бара половина милион евра. Јас верувам дека сум невин, а веќе и малите деца знаат дека на снимката е гласот на Груевски, заклучи Заев.
Премиерот Груевски го тужи Заев заради изречените обвинувања дека тој ја договорил криминалната продажба на „Македонска банка“.