За еден месец Албанија се „тресела“ 930 пати

Од четврти јули кога беше регистриран првиот потрес, во близина на Драч, со јачина од 5,1 степен според Рихтер,во Албанија продолжува сеизмичната активност.

Последниот 930-ти по ред е регистриран вчера со епицентар на Кепи и Родонит, на Јадранско Море,кај Драч,со јачина од 3,8 степени.

Земјотресите главно се регистрирани во пошироката околина на Драч,како и во централниот дел на земјата.

Според сеизмолозите од албанскиот Институт продолжувањето на потресите е нормална работа,бидејќи по секој поголем потрес следуваат низа помали,се додека тлото целосно не се смири.