За еден ден казнети 335 возачи кои возеле брзо

Во текот на вчерашниот ден биле казнети 335 возачи кои се движеле со брзина поголема од дозволената, информираат од МВР.

Од нив, како што се посочува, 32 возилa се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволената брзина. Притоа, 175 возачи ја пречекориле брзината во населено место, а 160 надвор од населено место.

Од МВР информираат дека засилените акциски контроли продолжуваат и во наредните денови и апелираат сите учесници во сообраќајот да ги почитуваат сообраќајните правила и прописи.