За да ги породат им бараат задолжително извод од венчани?!

На социјалните мрежи се споделува фотографија од наводно Општата болница во Струмица, каде на врата од Акушерското одделение е залепено известување со кое се бара од родилките да донесат извод од венчаните.

„Пациентките кои доаѓаат на Акушерско одделение за породување задолжително со себе да донесат извод од венчаните“, пишува на известувањето.

Ова барање е невообичаено затоа што се поставува прашањето што доколку родилката не е венчана или парот живее во граѓански брак. Корисниците на социјалните мрежи прашуваат дали во тој случај родилката ќе биде породена.