Вучиќ мисли дека во Македонија ќе има предвремени парламентарни избори

Потпретседателот на српската влада Александар Вучиќ верува дека премиерот Никола Груевски ќе оди на предвремени парламентарни избори во Македонија.

Лидерот на Српската напредна странка (СНС) со евентуалните избори во Македонија ја правдаше одлуката на неговата партија да побара нова поддршка од српскиот народ, иако СНС во моментов е поголемиот партнер во владината коалиција со социјалистите на Ивица Дачиќ.

Вучиќ ја даде изјавата во последната епизода на емисијата „Впечаток на неделата“ на телевизија Б92.