Вработените во ТВ Нова протестираат пред СЈО

Вработените во ТВ Нова денеска во 13 часот излегоа на протест пред Специјалното јавно обвинителство во одбрана за нивниот газда, Сеад Кочан, кој е осомничен за финансиски криминал тежок 17 милиони евра.

Телевизијата објави дека секој ден во 13 часот ќе одржува едночасовни протести на различни локации во градот. Поради тоа, денеска во период од 13 до 14 часот ќе биде затворена улицата Франклин Рузвелт на потегот помеѓу булеварот Партизански одреди и улицата Орце Николов.

Вработените во ТВ Нова, како и ВМРО-ДПМНЕ, сметаат дека случајот на СЈО во кој осомничен е Сеад Кочан е со цел да се замолчи медиумот, иако се работи за финансиски криминал во друга фирма на Кочан, „Трансмет“.