Во земјава се активни пет пожари, информираат од ЦУК

Во земјава се активни пет пожари, информира изутринава Центарот за управување со кризи.

Во Општина Долнени има три пожари: кај село Зрзе со еден крак во село Рилево и еден крак во село Сливје, и кај селата Кошино и Костинци.

Пожар има и во село Бељаковце во Општина Куманово и во село Долна Ѓоновица во Општина Гостивар.

ЦУК соопшти дека вчера биле регистрирани вкупно 49 пожари и од нив се изгаснати 44.