Најмалку 16 лица починаа од труење со јаболкова ракија (сурогат јаболковина) во областа Улјановск, во западна Русија, соопшти денеска регионалниот гувернер Алексеј Руских.
Според неговите зборови, симптоми на труење имале 35 лица, од кои 16 починале, а останатите добиваат лекарска помош, пренесува Известија.
Руских изјавил дека биле отруени од пијалокот „Мистер сидер“, кој се произведувал во Самарскиот регион. Тој рече и дека во тек е заплената на тој производ.
Число пострадавших от отравления суррогатным сидром в Ульяновской области возросло до 35, 16 человек скончались https://t.co/2DElB3qq1R pic.twitter.com/RnTsRuPTNl
— РИА Новости (@rianru) June 5, 2023
Приведен е претприемач од областа Самара, осомничен дека ги снабдувал жителите со јаболкова ракија, што довела до труење.
Според локалните медиуми, јаболковата ракија содржела смртоносни количини на метанол, кој е многу поотровен од етанолот кој се наоѓа во обичните алкохолни пијалоци.